يوميات نورس مغترب /1
كتبهاالنورس ، في 15 مايو 2009 الساعة: 16:06 م
"مصر…وطن يعيش فينا لا وطن نعيش فيه" …. مقوله شهيره اعجبتنى بلاغتها بغض النظر عن قائلها ،اعجابى بالعباره وقت سمعتها للمرة الاولى نتج عن شاعريتها وقلة كلماتها ولم اجهد نفسى بالتفكير فى معناها او تخيل احساسها ،فالتغنى للوطن صار اكذوبه لا محل لها فى خضم الفساد والفاسدين واختزل الوطن فى القائمين عليه ،فأى وطن هذا نتغنى له ونطرب لكلمات بلاغيه تقال عنه وغالبية ابناؤه لا يجدون قوت يومهم وقليل منهم اكرمه الوطن بالثروة والمال فنثر الملايين تحت اقدام الغانيات
ونسيت المقوله متعمدا الى أن ِضبطت نفسى متلبسا بترديدها حين نظرت من نافذة الطائره التى تقلنى الى الخليج فوجدت نفسى خارج حدود الوطن
كم احسست ساعتها ان شيئا رج قلبى وزلزل كيانى وكأن جسدى صار بلا روح….. ووضعت يدى على صدرى ابحث عما ينقصه ….لا لم ينقص شيئا…..بل زاد حبه للوطن ، وضممت يدى الى قلبى وقلت:حقا انها وطن يعيش فينا لا وطن نعيش فيه
ومرت بى ايام الغربه فى بلاد النفط وكلما احسست بالحنين الى الوطن اقول لنفسى ربما هو الحنين للزوجة والاولاد ،فأسرعت فى طلبهم حتى تروق نفسى ويهدأ تفكيرى فى الوطن ،ولكن كلا…..فالوطن لا يمكن اختزاله فى زوجه واولاد فمع وجودهم معى لم منع نفسى من التفكير فى الوطن
فأيقنت انه مهما غضبنا او هاجرنا او حتى يئسنا فحب الوطن يجرى فى دمائنا وكل احاسيسنا السابقه ما هى الا غيرة وتشبث بالحياه
ـــــــــــــــــــــــــــــــــــــــــــــــــــــــــ
التصنيفات : يوميات | أرسل الإدراج | دوّن الإدراج
مايو 16th, 2009 at 16 مايو 2009 11:04 ص
إيه يا عم النورس
عودا حميدا
أنت خلتني أعيط وأقول يا حبيبتي يا مصر …
بس أي مصر …؟
مصر الأمان والحب والخير والطيبة …
أم مصر مبارك والإعتقالات والفقر والقهر ..؟
مايو 16th, 2009 at 16 مايو 2009 11:07 ص
القاهرة في اكتئاب والأنس عنها غاب
من عتمة تدخل لعتمة كأنها ف سرداب
أو قرية مرمي عليا ضل هجانة
الحظر م المغربية بأمر مولانا
ومصر في الليل بتولد والبوليس ع الباب
صبية ولاٌدة يابا ولحمها جلاب
طلع الصباح زغرطت في السكة فرحانه
على كتفها مولودتها لسه عريانه
وف لحظة كانت جميع الدنيا دريانة
على اسم مصر
على اسم مصر مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مايو 16th, 2009 at 16 مايو 2009 11:12 ص
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مايو 16th, 2009 at 16 مايو 2009 11:13 ص
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مايو 16th, 2009 at 16 مايو 2009 11:13 ص
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
مايو 16th, 2009 at 16 مايو 2009 11:14 ص
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مايو 16th, 2009 at 16 مايو 2009 11:14 ص
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
مايو 16th, 2009 at 16 مايو 2009 11:15 ص
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
مايو 16th, 2009 at 16 مايو 2009 7:06 م
هيثم ابو خليل
بعيدا عن لهجة السخريه فى بداية تعليقك اقول لك ان مصر لم ولن تكون لمبارك ونظامه بل هى للمصريين والتاريخ يقول ان لكل ليل نهار ولكل سواد بصيص امل
وحتى تكتمل سخريتك فأقول لك مقسما غير حانث ان هواء مصر (رغم تلوثه) له رائحه مميزه بشتاق اليها من فارقه وتراب مصر له عبق يجذب القلوب والعقول
شكرا جزيلا ولك منى التحيه
مايو 16th, 2009 at 16 مايو 2009 7:07 م
ايه ده يا حاج عادل
واضح انى فتحت لك ماسوره فى حب مصر …بس بصراحه تستاهل
مايو 17th, 2009 at 17 مايو 2009 12:22 ص
الأخ الحبيب النورس
سافرت يا أخي علي خطوط أخري ومنها الخطوط السعودية ولازلت أذكر المضيفة الماليزية شازند أخلاقها وإبتسامتها وذوقها العالي
عجيب والله أمرك وكلامك ..تقول وصول الطيارة قبل موعدها ميزه وليس عيب …
يا أخي الحبيب أبوس رجلك الموضوعية الله يسترك ..
المواعيد في الطائرات خصوصاً مثل الخزانة الإختلاس مثل الزيادة تماماً
ده كلام تقوله ..!!
دعك من الشهادات
فالعبارة السلام 96 معها أكبر شهادات وممكن أعطيك تليفون استاذ ياسر فتحي محامي الضحايا والأستاذ عصام سلطان ليقص عليك كيفية الحصول علي الشهادات ..؟
وجبات مصر الطيران أفخر الوجبات ..
يا نورس أتقي الله … وكفي
أنا شغال في مجال الأغذية والمشروبات وفريق مصر الطيران الذي يسافر في مسابقة الأيكا وهذه منظمة غير الأتا منهم من يعرفني شخصياً
مش عايز ألغوص في حلل مصر للطيران وأكلها الرائع ..!
لا مش عايز كوب ألأكوبال
عايز كوب أدمي يمكن وضع المواد الساخنة فيه …!
المصريين هو أنا وأنت ..وأناأسافر3 مرات سنوياً
ولم أشاهد المصريين الوحشين وهم يطلبون أكثر من اللازم
ولو المضيفة ليس عندها المقدرة تلبي طلبات العشرات وهي تبتسم تقعد في بيتها أفضل …؟
وتأتي الإبتسامة بالتدريب والتوجيه ..
وأخيراً :
مين حيشهد للعروسة إلا خالها … ولا بلاش أمها…!!!!!!!!!!
سامحني يا نورس أنا مش صعيدي بس أنت جيت علي الوجيعه ..
قال مصر للطيران أحسن شركه من 7 شركات قال ..!!!
لوفتهانزا والإمارات والقطرية وحشين خالص ..!!
مايو 17th, 2009 at 17 مايو 2009 7:29 ص
استاذنا الفاضل
مادمنا وصلنا فى الحوار الى مرحلة شهادة الام والخال فى العروسه فلن ارد إلا بعباره واحده….. مادت يا اخى تسافر 3 مرات سنويا ومصر للطيران بكل هذا السوء فلماذا لا تريح وتستريح؟؟؟ المضيفات الفلبينيات فى انتظارك
ــــــــــــ
مايو 17th, 2009 at 17 مايو 2009 3:18 م
الله الله الله يا عم نورس
بالراحة شوية يا عم
يا راجل انت لسة راجع من أجازة طويلة
اصول ترجع ريلاكس كده و بالك طويل و
بالك طوييييييل
؟؟؟؟
بجد يمكن السفر و الغربة فعلا معاك حتى و لو معك الزوجة و الولد
غربة برضه
لكن برضه كلامك حاد جدا
و ده اسلوب هيثم عامة
موش عارف ليه اخدته بحساسية و قفش كده
و لا يمكن نسيته
عامة
حصل خير
و ربنا يكتبلك السلامة و الخير فى أى بقعة من الأرض و كلها أرض الله
و يكفى أنها أرض مسلمة
الله معك
تحياتى
“”"
مايو 17th, 2009 at 17 مايو 2009 3:22 م
هيثم
أسلوبك كالعادة …
فين و فين لما موضوع معين يستفزك و تعلق
بتدخل شمال و تشوط بأسلوب موش كل واحد ح يتحمله
و كمان فيه منك تلميحات بأمور موش مكانها مكتوب
مكتوب
أدراج و تعليق
فكرة مقابل فكرة
الأمور الشخصية ملك فقط لصاحبها
و أمانة فقط عند بعض
بعض الزملاء أن تركها وديعة عندة
أنت كمان أتقى الله يا هيثم
“”"”
مايو 17th, 2009 at 17 مايو 2009 3:29 م
شوف يا نورس
نصيحة علشان الأيام ماتاخدكش
و تبقى أمتى موش عارف ترجع مصر
هى دى مشكلة كل معار
شخصى او حكومى
لدولة عربية
متى
؟؟
يا ريت تحددها من أول سنة
بدل ما تحتار بع عشرين سنة
و تفكر نفسك بها دوما
سأرجع مصر ان شاء الله ليس بعد سنة و لا عشرة
لا
بعد شقة و سيارة و مبلغ ………. محتاجه علشان أعمل كذا …
غيركده إلى اللقاء بعد عشرين سنة
تحياتى
“”"
مايو 17th, 2009 at 17 مايو 2009 6:47 م
الأخ الحبيب النورس
أنا لا أقصد الإساءة ولكن أقصد أنه توجد علاقة ما بينك وبين من تشهد لهم بالكفاءة والمعني في بطن التعليق ..
وبتتريق وتقول المضيفات الفلبينات …بصراحة زي الفل وغابة في الأدب ..
أنت حيرتني معاك
يعني الركاب المصريين وحشين ومتعبين
والمضيفات الله أكبر حاجه تانيه …
خير ..مش هما شربوا من نيلها ..أكيد بيغنوا لها ..هما كمان ..!!!
عموماً أنت لم ترد علي ما قلته وعملتها بزعل …
تأخير الطائرة مثل وصولها مبكراً دي مش توك توك يا سيد نورس دي طائرة ..
وأكل مصر للطيران أسوأ أكل … ومش شهادتي لوحدي ..
وأنا أفهم في الأكل جيداً …
يا سيدي النظام المصري ضرب فيه السوس من أوله لأخره ..
مصر للطيران ليست عندها حصانة ..ضرب السوس وأكثر من السوس ..
ومش عايز أفتح في الكلام ولكن يا عزيزي :
تذاكر الطيران الهدية لا أقول للموظفين فهذا حقهم ولكن لكبرات البلد بلغت في عام 16 مليون جنيه عما أتذكر وكله تحت بند تأليف قلب العملاء من أجل الترويج ..!!!
أخيراً أحذرك …
مرة والثانية …
أحذرك مرة أخري ..
بل وأهددك ..
أن تكون زعلت مني فأنا أحبك أنت وأبو مصعب في الله
وياعم شركة مصر الطيران أعظم شركة في العالم بس إياك تزعل
فأني أحبك في الله ..
أخوك الصغير :
هيثم أبوخليل
مايو 17th, 2009 at 17 مايو 2009 9:12 م
بعد أذنك يا نورس
سيبهولى لو سمحت
أتاخر كده يمين شوية
و ابعد شويتين
أنا بقى اعرف الأشكال دى تتعامل أذاى
هما الأسكندرانية اللى ذى حالاتى كده موش بييجوا بالذوق
“”"”"”"
أيه يا عم هيثم
أنت بتهدد مين
؟؟؟؟
الكلام ده يا اخويا تعمله مع الحزب و لا الحكومة
لكن أحنا لوماآخذة موش بنتهدد
و لا بنخاف
اللى م اللى احنا ف سماه بنطير ….
شوف يا هيثم ….
بالراحة حبة
حبة
و لا تعمل م القبة حبة
و تدخل ف ده حبة
و تضرب ف غيره
حبة
لا أنت ح تغير الدنيا
و لا حتى تزحزحها
حبة
و انت كنت ناشط حبتين و حبة
كفاية علينا من الوطنية
حبة
و ما فييه بنا كلام
و لا
محبة
“”"”"”"”"”"”
و سلام
من غير
كلام
“”"”
مايو 17th, 2009 at 17 مايو 2009 9:14 م
معلهش يا اخوانا
بحب كده
كل حبة
…
..
..
أهدى النفوس
“”
مايو 17th, 2009 at 17 مايو 2009 9:25 م
“”"”"”"
“”"
و كمان يا عم هيثم …..
قاعد تزعق طول النهار
و ف الآخر رايح تقولى ….
بحبك ف الله …
أياك تزعل
أخوك الصغير …
؟؟؟
لا ….
أنسى …
تكونش فاكرنا م الناس اللى تتكلفت
؟؟؟
سلام
“”
مايو 18th, 2009 at 18 مايو 2009 10:16 ص
ياحاج عادل
انت عارف ان انت وهيثم من الشخصيات اللى بحبها واحترمها بس اللى ضايقنى منه انه لمح لمح بعدم موضوعيتى فى الرد متهمنى بالمجامله بطريقه معجبتنيش
ـــــــــــــ
اما عن الغربه فلا تقلق فهى مده محدده سلفا وغير قابله للتجديد او التمديد ان شاء الله
مايو 18th, 2009 at 18 مايو 2009 10:46 ص
استاذنا الفاضل/هيثم
اولا ان قلبتها بزعل لما لقيت ان الموضوع بالنسبه لك غير قابل للنقاش وقد حكمت حكما لا نقض به ولا ابرام وسددت اذنك عن اى رأى مختلف ، بدليل انك شبهت مصر للطيران بالعباره السلام وهذا غير مقبول لا عقلا ولا حكما ، فأنت تعلم ان مجال الطيران له خصوصيه لا توجد فى اى وشائل اخرى وكما قلت لك ان تحالف شركات الطيران العالميه (ستار) لن يقبل فى عضويته شركه(تضرب شهادات) وعندهم من الوسائل التى تمكنهم من التأكد من احقية الانضمام من عدمه
وعلى فكره التوك توك (مصر للطيران سابقا) من اسباب قبول عضويتها فى التحالف هى الوصول المبكر ولو عاوزنى اشرحهالك معنديش مانع…لكن حبسطهالك …. ولاحظ ان مقولة ان عالم الطيران زى الخزينه الزياده زى العجز …مش مظبوطه …برضه حبسطهالك
زياده فى الخزينه يعنى …..شبهة مخالفة القانون فى تحصيل مبالغ بدون وجه حق……ليها تفسير تانى؟؟؟ الكلام ده بقى مينفعش نقوله على الطيران…..ليه بقى؟
لو الراكب اتأخر عن معاده دقبقه واحده ممكن ينضر ….يفوته معاد طياره تانى…..يفوته معاد دكتور….اى ضرر…..لكن ايه اللى حيضره لو وصل قبل المعاد؟ مش حيلاقى جوز اخته فى انتظاره؟؟؟ هو ده الضرر
يا عم هيثم خليك حقانى ومتحكمش على الشركه بحكمك على النظام
نيجى على الأكل
انت حاطط صوره الوجبه بتاعتك بعد ما نسفتها طيب لو هى وحشه قوى كده ….اكلتها ليه وازاى؟؟
نيجى بقى على التذاكر المجانيه
انت جبت منين الرقم ده؟؟ ولو فرضا الرقم صحيح مش فى حاجه فى المحاسبه اسمها …تكلفة الحصول على الربح يعنى لما واحد يجيب للشركه 50 راكب واديله هو تذكره ببلاش ….فيها حاجه دى
عارفك بتلمح للتذاكر الممنوحه للمسئولين…..طيب وماله مدام فى النهايه الشركه كسبانه يمكن بالتذكره دى الشركه تتقى شره فى حاجات تانى
بص يا حاج هيثم
انا مستعد انزل لك اسكندريه مخصوص (على حسابك طبعا) ونتكلم فى الموضوع ده لغاية ما تقتنع او انا استقيل